ERABILTZAILEAREN IDENTIFIKAZIOA

Pasahitzak bi osagai ditu: batetik, identifikazio zenbakia eta, bestetik, ezkutuko bi gako, interesatuari kartazal itxian ematen zaizkionak. Gako guztiak numerikoak dira eta, beraz, zure identifikazio zenbakia eta zure IFZ berdinak baldin badira, identifikazio zenbakia letrarik gabe idatzi beharko duzu.

Ziurtagiri digitala segurtasun handiko autentifikazio sistema elektronikoa duzu. Txartel bat du euskarri gisa, eta barruan daraman txipak eragiketak egin ditzake pertsona bakoitza sinadura elektronikoa delakoaren bidez identifikatzeko. Era horretan, Foru Ogasunak eta hiritarrak elkarren ezagutza hartu dezakete, zerbitzuak pertsonalizatu egiten dira, eta posible da tramiteak bide elektronikoz egitea interesatua aldundiaren bulegoetara joan behar izan gabe.

Ziurtagiri digitala erabili ahal izateko, beharrezkoa da txartel-irakurgailu bat edukitzea eta berariazko softwarea instalatzea. Tramite Onlinen sartuz gero, informazio gehiago eskura dezakezu ziurtagiri digitalari buruz.

Tramiteak Online identifikatzeko onartutako ziurtagiri digitalak ondorengo A zerrendan aurkitzen dira (A - Proveedores de Servicios de Certificación y sus certificados).

2017ko abenduaren 31n, bertan behera geldituko dira ROCA izeneko mehatxuaren eraginpean egon ondoren ziurtagiri elektronikoan baliogabetzeagatik hartutako aparteko neurriak.

Horrenbestez, beren ziurtagiri elektronikoa baliogabetzeagatik autolikidazioren bat aurkeztu ez duten pertsonek edota entitateek beren egoera erregularizatu beharko dute aipatutako dataren aurretik, eta ondorengo aurkezpenak epez kanpokotzat hartuko dira eta, beraz, zigorra jarri ahal izango zaie.

Era berean, 2018ko urtarrilaren 1etik aurrera, Gipuzkoako Foru Ogasunarekin bitarteko elektronikoez harremana izatera derrigortutako kolektiboetako batean sartuta dauden pertsona eta entitateek bitarteko horiek bakarrik erabili beharko dituzte Foru Ogasunarekin aritzen direnean.

Pasahitza ahaztu baduzu, pasahitza ematen duen edozein bulegotara joan behar duzu, kartazal berria eman diezazuten. Gogoan izan:  ez da zertan hitzordua hartu  eragiketa hau egiteko.

Behin baino gehiagotan egiaztatzen saiatu ondoren zure pasahitza blokeatuta geratu bada, kartazal berria lortzeak hari blokeoa kentzea ekarriko du.

BaKQ edo ziurtagiririk ez baduzu, erabiltzaile gisa sar zaitezke ZergaBidean:

1. Aurrenik, erabiltzailea sortu behar da. Horretarako:
   • sakatu ERABILTZAILEA SORTU botoia, BESTE SARBIDE BATZUK apartatuan.
   • idatzi posta elektronikoko kontu bat eta pasahitz bat.
   • aktibatu erabiltzailea. Horretarako, mezu bat jasoko duzu posta elektronikoko kontuan. Bada, bertan ikusiko duzun estekaren gainean klik eginez, erabiltzailea aktibatuko da.
2. Erabiltzailea aktibatuta, arazorik gabe sar zaitezke ZergaBidean. Horretarako, erregistratzeko eman dituzun posta elektronikoa eta pasahitza sartu behar dituzu.

Era guztietako aitorpen eta idazkiak prestatu baditzakezu ere, autentifikazio modu gisa kontraste datu bat onartzen duten aitorpenak baino ezin dira aurkeztu Internet bidez. Aitorpen horiek hauek dira: errenta aitorpena (109 eredua) 347 eredua 190, 180 eta 345 ereduak.