Zerga araudia aplikatzeko irizpide administratiboak
Indar loteslerik gabe.
Gazteentzako gida fiskala: Bazoaz etxetik? Zure lehen lana hastera zoaz? Zerga sistemak ez zaitzala atzera bota!
Urte batzuk ikasi ondoren, iritsi da lanean hasteko eta independizatzeko unea. Ohartu zara urte hauetan guztietan erakutsi ez dizkizuten gauza gehiegi daudela: dela lana eta etxebizitza bilatzea, dela errenta aitorpena egitea.
Atal honetan, oinarrizko gida bat eskaintzen dizugu hurrengo aitorpenean kontuan hartu beharreko alderdi garrantzitsuenei buruz, errenta kanpainari aurrea hartu eta, behin ondorio fiskalak ezagututa, egoki irizten dituzun erabakiak har ditzazun.
Gainera, gida honek ez baditu zure zalantzak argitzen edo haren edukia zabaldu nahi baduzu, informazio gehiago lor dezakezu bide hauek erabilita:
- Beste gida eta kontsulta batzuk kontsultatuz: Zerga kontsulten errepertorioa eta interpretazio irizpideak - Ogasuna - Gipuzkoako Foru Aldundia
- Zerga bakoitzari dagokion atalean sartuta: Zergen zerrenda - Ogasuna- Gipuzkoako Foru Aldundia
- Adibidez, pertsona fisikoen errentaren gaineko zergari dagokion atalean hainbat gai kontsulta ditzakezu: errenta kanpainari buruzko informazio garrantzitsua, gidaliburua, zergaren alderdi nagusiak jasotzen dituen laburpen taula, Ogasunak zuri buruz duen zerga informazioa, etab… Errenta+ aplikazioa ere deskarga dezakezu bertatik.
- Gipuzkoako zerga araudia kontsultatuz: Indarrean dagoen araudia - Ogasuna- Gipuzkoako Foru Aldundia
- 943 11 30 00 telefonora deituz.
Zein gairi buruz dituzu zalantzak?